Әзербайжан Қызыл жарты ай ұйымы Қарабахтағы армяндарға 40 тонна ұннан тұратын азық-түлік көмегін жіберді, деп хабарлайды janalyq.asia.
40 тонна ұн тиелген екі жүк көлігі Ханкенди мен оның маңындағы армяндарға жеткізу үшін ел астанасы Бакуден жолға шықты.
Әзербайжан Қызыл Жарты Ай қоғамының басшысы Новруз Аслан баспасөзге берген мәлімдемесінде жүк көліктерінің Агдам-Ханкенди бағытын қолданатынын мәлімдеді. Аслан гуманитарлық қадам жасағандарын және бұл қадамның халықаралық қауымдастық пен Ханкендидегі армяндар тарапынан құпталатынына үміттенетіндерін білдірді. Аслан қажет болған жағдайда Қарабахтағы армяндарға көмек көрсетуді жалғастыратындарын атап өтті.
Әзербайжан шекарашыларға «Армения жағынан оқ атылды» және «контрабандалық тауарлар Халықаралық Қызыл Крест ұйымының көліктерімен тасымалданды» деген себеппен Қарабахта тұратын армяндардың Арменияға барар жолда пайдаланатын Лачын-Ханкенді жолына шектеу қоюда. Бейбіт тұрғындар үшін ашық жолдан ауыр көліктердің өтуіне тыйым салынады.
Жол жабылғандықтан Қарабахтағы армян халқы «гуманитарлық дағдарыспен бетпе-бет келді» деген сылтау жаратқан Армения жіберген жүк көліктері бір айға жуық шекарада күтіп тұр.
Өзі үстемдік ететін территорияда алдын ала білдірілмеген жүкті тасымалдауға рұқсат бермейтінін хабарлаған Баку әкімшілігі Қарабахтағы армян халқы үшін Агдам-Ханкенди бағытын ұсынып отыр.
