Жапонияда балалар арасындағы суицид саны өткен жылмен салыстырғанда өсіп, рекордтық деңгейге жетті, деп Janalyq.Asia хабарлайды Ria.ru-ға сілтеме жасай отырып.
2022 жылы мектеп жасындағы 512 бала суицид жасап қайтыс болды, бұл өткен жылдың көрсеткіштерінен 39 адамға артық.
Ең үлкен өсім жоғары сынып оқушыларының жас санатында байқалады — 352 адам, бұл өткен жылмен салыстырғанда 38 адамға көп. Өткен жылы 143 орта және 17 кіші сынып оқушылары өз-өзіне қол салып қайтыс болды.
Жапонияда балаларға тәулік бойы көмек көрсету қызметі жұмыс істейді.
Білім министрі Кейко Нагаока жарияланған мәліметтерге байланысты муниципалдық білім комитеттеріне балалар мен жасөспірімдердегі қауіпті белгілерді тезірек анықтауға және ата-аналармен байланыс орнатуға күш салуды тапсырды, өйткені «балалар міндетті түрде көмектесетін ересек адам болатынын білуі керек».
Фото: nippon.com
