Біріккен Араб Әмірліктерінің Дубай қаласында ұшатын такси қызметін бастады, деп хабарлайды Janalyq.Asia.
«WAM» ақпарат агенттігінің хабарына қарағанда, Дубай ұшатын такси қызметке берілген алғашқы қала атанды. Таксиде бір ұшқышпен бірге 4 жолаушы саяхаттай алады.
Көліктің ұшу қашықтығы- 161 км. Жылдамдығы да 320 км/сағатқа жетеді. Ұшатын таксидің Дубай Халықаралық әуежайы маңында, қала орталығында, Дубай Маринада және Пальм Джумейрада, барлығы 4 стансасы болады.
Ұшатын такси арқылы әуежайдан Пальм Джумейраға дейінгі 45 минуттық жол 10 минутқа қысқарады.
