Түркістан: Жетісайда 300 орындық жаңа мектеп пайдалануға берілді
![](https://janalyq.asia/wp-content/uploads/2023/09/whatsapp-image-2023-09-28-at-16.42.50-780x470.jpeg)
Жетісай ауданында Түркістан облысының 5 жылдығы аясында жаңа мектеп пайдалануға берілді. Заман талабына сай салынған жаңа типтік үлгідегі білім ордасының салтанатты ашылуына келген Түркістан облысы әкімінің орынбасары Ермек Кенжеханұлы мен Жетісай ауданының әкімі Серік Үсенұлы ауыл тұрғындарын, ұстаздар мен оқушыларды айтулы қуаныштарымен құттықтады, деп хабарлайды Janalyq.Asia.kz.
Жаңа мектепте физика-информатика және мультимедиялық-лингафондық кабинеттер, спорт залы, зертхана кабинеттері мен тігін шеберханасы, асханасы бар. Мектеп оқушыларының сапалы білім алуына барлық жағдайлар жасалған.
Жаңа білім ғимаратының ашылғанына қуанған ауыл тұрғындары өз алғыстарын білдірді. Айта кетейік, бұған дейін 3 шақырымға жуық қашықтықта орналасқан «Жібек жолы» жалпы орта мектебіне қатынап оқыған Баянды елді мекенінің 511 оқушысы енді өз ауылдарындағы 300 орындық білім ұясында 2 ауысымда білім алатын болады.
Түркістан облысының Өңірлік коммуникациялар қызметі